Sipas Institutit Hidrometeorologjik të Kosovës (IHK), kjo javë do të karakterizohet nga një mot i ndryshueshëm, por relativisht të qetë, shkruan Fol Drejt.
Do të ketë vranësira që në viset malore do të sjellin riga të dobëta shiu, ndërkaq do të ketë edhe intervale me diell.
E hënë– Mot i vranët dhe me intervale me diell. Vranësirat në viset malore parashihen të sjellin riga të dobëta shiu.
E martë– Mot i vranët dhe me intervale me diell. Vranësirat gjatë ditës parashihen të sjellin reshje shiu, ndërsa në disa zona të kufizuara parashihen mundësi për shkarkime rrufesh.
E mërkurë – Mot i vranët dhe me intervale me diell. Vranësirat gjatë ditës do të sjellin riga shiu të shoqëruara me shkarkime rrufesh.
E enjte – Mot i vranët dhe me intervale me diell. Vranësirat gjatë ditës parashihen të sjellin riga shiu.
Reklama
E premte – Edhe dita e premte do të jetë relativisht e qetë me rritje të lehta të maksimaleve, derisa ato minimalet mbeten konstante me të ditës së enjte. Në pjesën e dytë të ditës parashihen riga të izoluara shiu.
Gjatë kësaj periudhe të parashikimit do të fryjë erë e lehtë dhe mesatare nga drejtimi i juglindjes dhe veriperëndimit./FolDrejt/
