Pas shpalljes së pavarësisë së Shqipërisë, menjëherë nisi pastrimi i gjuhës shqipe nga barbarizmat, por ajo ndodhi me një mani të madhe. Njëri ndër albanologët më të shquar të të gjithë kohrave, Norbert Jokl, çerekshekulli pas pavarësisë së Shqipërisë do shkruante për këtë problem:
“Purizma që shifet ndër disa botime shqipe, nuk më duket e arsyeshme. Sidomos mënia kundër fjalëve turqisht është shumë e përhapur ndër ju. Është e vërtetë se në të kaluarën keni patur shumë arsyena të urrenit çdo send që kishte lidhje me Turqinë e vjetër. Ishte gjë fare e natyrshme që derisa luftonit për Pavarësinë tuej, të quhej si një shenjë patriotizmi, lufta kundër çdo të mbeture të sundimit të huaj. Por tani që keni njëzet e pesë vjet jete të pavarur, tani që me Turqinë e për trimun jetoni si miq të mirë, është koha të bëheni pak më objektivë. Nuk më duket gja e drejtë, as dhe e nevojshme që të çporni nga përdorimi ato fjalë tyrqishte që janë rrënjosur me kohë në gjuhën e popullit; sidomos kur fjalë tyrqishte që e kuptojnë të gjithë e zëvendësoni me ndonjë fjalë të huaj që s’e kupton askush, ose një pakicë shumë e vogël. Pastaj mos harroni se përhapja e fjalëve tyrqishte nuk ka ndodhur vetëm në Shqipëri. Ky është një fenomen që ndeshet në gjithë Ballkanin. Në serbishten dhe në greqishten e sotme gjenden radhazi fjalë turqishte. Kjo shpjegohet mbasi turqit kanë prurë urbanizmin në sinisinë ballkanike, e, njëkohësisht, edhe fjalët që kanë lidhje me jetën e qytetit. Prandaj kini pak mëshirë për fjalët turqishte. Mos shani gjuhën duke kujtuar se po e spastroni. Puna nuk është aq në fjalët e huaja se sa ne shpirti i gjuhës, të cilin duhet ta ruani nga çdo bastardim…,“ do shkruante Jokl./Foldrejt.com
