Administrata Amerikane e Ushqimit dhe Barnave (FDA) lëshoi sot një ndalim të produkteve të cigareve elektronike Juul, duke përfshirë shitjen dhe shpërndarjen, dhe urdhëroi heqjen e produkteve nga tregu.
“Produktet përfshijnë pajisjen JUUL dhe katër lloje JUULpods: me shije të duhanit Virginia në përqendrime nikotine prej 5,0% dhe 3,0% dhe me shije mentoli në përqendrime nikotine prej 5,0% dhe 3,0%”,, thuhet në një deklaratë, shkruan AA, transmeton Fol Drejt.
Komisioneri Robert Califf e ka përshëndetur njoftimin si progres të mëtejshëm në angazhimin e FDA-së për të siguruar që të gjitha produktet e sistemit të shpërndarjes së cigareve elektronike dhe nikotinës që aktualisht tregtohen për konsumatorët përmbushin standardet e shëndetit publik.
Agjencia përcaktoi se nuk ka prova të mjaftueshme për të vlerësuar rreziqet e mundshme toksikologjike të përdorimit të produkteve JUUL./FolDrejt/