Në mediat serbe mbizotëron opinioni se në komunat veriore të Kosovës, mund të rikthehen tensionet, në qoftë se ata që i fituan zgjedhjet e 23 prillit, tentojnë të futen në institucione. Nëse në nivel qendror nuk arrihet asgjë, atëherë në nivelin lokal gjasat që situata të dalë jashtë kontrollit, janë të më dha thonë politikanët serbë nga Kosova, transmeton Fol Drejt.
Pasi dialogu ndërmjet Beogradit dhe Prishtinës më 2 maj në Bruksel preku murin, siç e përshkroi presidenti serb Aleksandar Vuçiq, bisedimet do të vazhdojnë edhe në dy javët e ardhshme, tha i dërguari special i SHBA-së për Ballkanin Perëndimor, Gabriel Escobar.
“Edhe pse temë kryesore e bisedës është formimi i Unionit të Komunave Serbe, gjegjësisht hartimi i statutit të tij, për të cilin insiston Beogradi, situata në veri mund të nxehet sërish, pasi deri më 28 maj përfaqësues të partive shqiptare, të cilët fituan zgjedhjet në katër komuna në veri të Kosovës, duhet të hyjnë në objektet e vetëqeverisjes lokale dhe ta marrin pushtetin. Deri atëherë dhe rreth kësaj, duket se duhet gjetur një zgjidhje, pra të mbahet situata nën kontroll” – shkruan sot Danas.
Ndonëse pas takimit me kryeministren e Kosovës, Albin Kurti, Vuçiq nuk ka dashur të thotë se çfarë ka propozuar BE-ja në këtë drejtim, të mërkurën në konferencën për media ka deklaruar se është propozuar një zgjidhje e përkohshme, se nuk do të ketë betime zyrtare të kryetarëve të rinj pas 28 majit, për shkak të trazirave dhe problemeve të mundshme. Siç ka thënë Vuçiqi, ishte Kurti ai që ka e refuzuar propozimin për miratimin e statutit.
Sipas Vuçiqit, Kurti vendosi të qeverisë me 3.4 për qind mbështetje dhe në këtë emër mbështetjen e “disa njerëzve nga QUINT-i”. Vuçiq ka kujtuar faktin se edhe në Evropë e kuptojnë se nuk mund të qeveriset me 3.4 për qind, por duket se është inatosur me SHBA-në pasi që edhe para zgjedhjeve thuhej se do të pranoheshin rezultatet përkundër bojkotit të serbëve.
Duket se e ka shqetësuar edhe shkrimi i New York Times për lidhjet me klanin e Veljko Belivuk, ndaj, ndër të tjera, ka thënë se nuk do t’i nënshtrohet presionit mediatik të atyre që mendojnë se ky është një kërcënim shtesë ndoshta vjen nga CIA dhe Departamenti i Shtetit, dhe se ai nuk është “i magjepsur nga gënjeshtrat.
Milica Andriq Rakiq nga “Iniciativa e Re Sociale” nga Mitrovica Veriore thotë për Danas se tentativa për të hyrë në institucionet serbe mund të ndodhë jo më vonë se 28 maj.
– Pra, mund të ndodhë nesër, të hënën ose ndonjë ditë tjetër deri atëherë. Dhe pikërisht kjo situatë ekspozoi gjithë pafuqinë e dialogut për t’i ofruar siguri dhe parashikim të situatës për komunitetin në veri – thotë ajo.
Sipas saj, është plotësisht e pamundur të parashikohet nëse një përpjekje e mundshme për të hyrë në institucionet lokale do të ndikojë në përshpejtimin e formimit të Asociacionit, sepse pasojat eventuale të atij përshkallëzimi janë gjithashtu plotësisht të paparashikueshme.
– Në skenarin më të errët, nëse shkrepet qoftë edhe një plumb, askush nuk mund të thotë nëse do të mund të kontrollohet situata dhe çfarë pasojash do të ketë. Prandaj, në momentin që jemi gati të nxehemi, pavarësisht se dy ditë më parë kemi pasur një takim në nivelin më të lartë politik, informacioni se ekipet teknike do të takohen pas dy javësh janë krejtësisht të parëndësishme – përgjigjet ajo në pyetjen nëse dikush mund ta gjejë zgjidhjen brenda dy javësh.
E pyetur nëse në cilën anë mund të imponohet një zgjidhje, ajo përgjigjet se është e vështirë të imagjinohet një zgjidhje e imponuar kaq shpejt, veçanërisht për një temë kaq komplekse si Asociacioni.
– Mund të ketë zgjidhje të imponuara për disa nga temat e nxehta, si regjistrimi dhe policia në përpjekje për të shmangur përshkallëzimin. Megjithatë, do të jetë gjithashtu një njohje zyrtare e asaj që është e dukshme edhe tani, që është se: ndërmjetësit tashmë janë kthyer në menaxhimin e krizave dhe se ata në thelb po përdorin negociatat e pretenduara për zbatimin e marrëveshjes së Ohrit, për të negociuar menaxhimin e krizës.
Zëvendëskryetari i SDS-së dhe ish-ministri për Kosovën, Goran Bogdanoviq nuk pret zgjidhje deri më 28 maj.
– Vështirë të pritet që deri në datën 28 të ndryshojë diçka në dialog dhe të ndihet diçka në fushë. Njoftimi se kryetarët e partive shqiptare që i fituan ato mandate do të hyjnë në vetëqeverisjet lokale nuk ka shanse të ndodhë. Askush, as në Leposaviq, në Zubin Potok e as në Zveçan, nuk do t’i lejojë këta persona të hyjnë në objektet e institucioneve. Dhe nuk mjafton që të hyjnë kryetarët, është edhe administrata – thotë ai.
Siç shton ai, shqiptarët me siguri do të tentojnë të bëjnë përpjekje për hyrje dhe ai ka frikë se përpjekje të tilla mund të çojnë në destabilizimin e ri në veri të Kosovës.
– Mendoj se populli nuk do të lejojë që të jetë kryetar ai që ka fituar 50 apo 100 vota, si në komunën e Leposaviqit. Por, nga ana tjetër, ata kanë legjitimitet dhe mund ta bëjnë. Kam frikë se mund të ketë konflikte dhe pasoja. Dhe shpresoj që arsyeja të mbizotërojë. I vetmi vend ku mendoj se normalisht do të hyjnë kryetarët e komunave është Mitrovica e Veriut sepse ndërtesa ndodhet në Mëhallën e Boshnjakëve ku është pak më e vështirë të parandalosh hyrjen e këtyre njerëzve. Por sërish nuk do të përfaqësojë asgjë dhe nuk do të sjellë përmirësim- thotë Bogdanoviq.
I pyetur nëse bashkësia ndërkombëtare do të imponojë arsye, ai përgjigjet se beson në maturinë e ndërkombëtarëve dhe pret që të bëjnë presion shtesë ndaj Kurtit që për sa kohë të zgjasin negociatat, ai nuk merr asgjë me dhunë, sidomos tani. Fundja, arrihet një kompromis në lidhje me statutin e Asociacionit.
Ua kujtojmë që pas publikimit të rezultateve zgjedhore, Ministri i Punëve të Brendshme Xhelal Sveçla pat deklaruar se askush nuk do të mund t’i pengojë kryetarët e rinj të komunave, të shkojnë në vendin e tyre të punës.
“Prej momentit që rezultatet certifikohen, ata janë kryetarë legjitim komunash dhe patjetër do të shkojnë në vendin e tyre të punës, patjetër do të udhëheqin me ato komuna dhe patjetër do të kenë sukseset por edhe dështimet, sikurse i ka secila udhëheqje komunale gjithandej Kosovës dhe nuk e di pse kjo është e diskutueshme”, pat thënë ai për RTK-në.
Ua kujtojmë se Komisioni Qendror i Zgjedhjeve (KQZ) veç e ka bërë certifikimim e rezultateve, për zgjedhjet e jashtëzakonshme për kryetar të komunave: Mitrovicë e Veriut, Zveçan, Leposaviq dhe Zubin Potok.
Pjesëmarrja, sipas KQZ-së ishte pak më shumë se 3 %, pasi politikanët e lartë serbë, bashkë me Listën Serbe bënë thirrje që procesi zgjedhor i 23 majit, të braktisej nga serbët./FolDrejt/
