Kontratat e së ardhmes së naftës së papërpunuar nga Brent ranë 1.82 dollarë, ose 1.6%, në 110.85 dollarë për fuçi deri në orën 18:47, të dielen që iku.
Kontratat e së ardhmes së naftës së papërpunuar WTI ranë 2.41 dollarë, ose 2.2%, në 106.92 dollarë për fuçi, shkruan Reuters, transmeton Fol Drejt.
Pushtimi rus i Ukrainës në fund të shkurtit, të cilin Moska e quan një “operacion special”, ka tronditur tregjet e energjisë në mbarë botën. Brent javën e kaluar u ul me 4.8% pasi arriti në 139.13 dollarë më 7 mars. Nafta e papërpunuar amerikane regjistroi një rënie javore prej 5.7% pasi arriti një nivel më të lartë prej 130.50 dollarë më 7 mars. Të dyja kontratat i prekën për herë të fundit këto kulme çmimesh në 2008.
Investitorët kanë qenë të shqetësuar për një treg më të shtrënguar të naftës pas veprimit të Rusisë. Çmimet ranë javën e kaluar pasi tregtarët vlerësuan përmirësime të mundshme në perspektivën e furnizimit që është ndërprerë nga kriza e Ukrainës./FolDrejt/
