Protestuesit i bënë thirrje qeverisë për dorëheqje për shkak të çmimeve të larta të energjisë dhe kërkuan që të tërhiqet nga sanksionet e BE-së kundër Rusisë pasi ato dëmtojnë popullin dhe ekonominë e Çekisë.
Në kryeqytetin e Çekisë, Pragë, mbi 70 mijë persona protestuan kundër rritjes së çmimit të energjisë dhe qëndrimit të njëanshëm të qeverisë në luftën Rusi-Ukrainë, shkruan AA, transmeton Fol Drejt.
Protestuesit e mbledhur në sheshin “Wenzel”, një prej shesheve më të rëndësishëm të Pragës protestuan nën sloganin “Fillimisht Çekia” dhe krahas flamujve të Çekisë mbajtën në duar “pankarta transparente” që nënkuptojnë protestën kundër çmimit të energjisë.
Sipas të dhënave të ndara nga policia, mësohet se mbi 70 mijë persona morën pjesë në protestën e organizuar nga organizatat e shoqërisë civile kundër qeverisë në vendin me rreth 11 milionë banorë.
Protestuesit i bënë thirrje qeverisë për dorëheqje për shkak të çmimeve të larta të energjisë dhe kërkuan që të tërhiqet nga sanksionet e Bashkimit Evropian (BE) kundër Rusisë pasi ato dëmtojnë popullin dhe ekonominë e Çekisë. Protestuesit kanë mbrojtur idenë se Çekia duhet të jetë e paanshme.
– “Protesta pro Rusisë”
Kryeministri Petr Fiala, i cili e ka cilësuar protestën si “pro Rusisë”, tha se kjo situatë dëmton interesat e vendit dhe se në vendin e tij ka nga ata që i besojnë propagandës dhe dezinformimit rus.
Në Çekinë e cila kryeson presidencën e radhës në BE, ndodhen mbi 400 mijë emigrantë ukrainas, ndërkohë qeveria e Pragës është në krye të vendeve që ka mbështetur qeverinë e Kievit që nga fillimi i luftës në aspektin e municioneve ushtarake dhe logjistikës./FolDrejt/
