Një gjerman me rrogën e tij mesatare prej 2439 eurove mund të mbushë rezervarin e automjetit me 1740 litra. Një ranglistë e E-Commerce-Plattform sqaron sesa lirë është benzina në krahasim me rrogat e shteteve respektive. Në këtë ranglistë Gjermania vendoset në vendin e shtatë, shkruan foldrejt.com.
Në vendin e parë është Zvicra, ku rroga mesatare është 4605 euro, kurse litri i benzinës 1,36 euro – pra mund të mbushet rezervari me 3888 litra.
Në vendin e dytë dhe të tretë janë Luksemburgu dhe Norvegjia me 2.827 dhe 1.989 litra gjegjësisht.
Fundi i listës
Fundi i listës kryesohet nga vendet e Ballkanit, kurse bash në fund është Shqipëria. Rroga mesatare në Shqipëri është 314 euro, kurse çmimi i benzinës është 1,44 euro për litër. Pra një shqiptar mund të mbush rezervarin vetëm 218 litra.
Ranglista botërore
Nëse shihet në ranglistën botërore – vendin e parë e mbajnë vendet e gjirit – Katari, Kuvajti dhe Emiratet e Bashkuara Arabe – ku çmimet e benzinës janë nga 40 deri 60 cent – kurse mbushja e rezervarit arrin nga 4900 deri 6500 litra. Amerikanët mund të mbushin 4.711 litra (një litë = 68 cent).
Tregu më i madh në botë, Kina mund të mbushë 679 litra, ku çmimi i naftës është 0.96 cent.
Në vendin e fundit janë Madagaskari me 42 litra, Taxhikistani 131 litra dhe Zambia me 137 litra.
Për të marrë një shembull interesant është Nigeria. Vendi i pasur me naftë, ka vërtet një rrogë mesatare prej 179 eurove, por çmimi i lirë i naftës prej 36 cent – u mundëson nigerianëve mbushje të rezervarit me 501 litra./Foldrejt.com
