Antonio Conte nuk ka gjasa t’ia kthejë shpinën Tottenhamit dhe të mendojë për një rikthim në Juventus, sipas Alessandro Del Pieros, shkruan Goal.com, përcjell Fol Drejt.
Ish-lojtari dhe trajneri i Bianconerëve ka pasur sukses të konsiderueshëm në të kaluarën, por për herë të fundit i ndërpreu lidhjet me ta në vitin 2014. Juve po e ka të vështirë për momentin, me Massimiliano Allegri që po përpiqet të sjellë më të mirën nga skuadra e mbushur me plot yje, dhe ka pasur sugjerime që gjigantët e Serisë A mund të kthehen në një fytyrë tjetër të njohur për frymëzimin e nevojshëm drejt sukseseve.
Del Piero, i cili është një ish-bashkëlojtar i Contes, dyshon se italiani do të konsiderojë një rikthim në Itali me kaq shumë gjëra që ka për të arritur në Angli, duke thënë për PA Sport: “Unë mendoj se tani të gjithë flasin për këtë sepse Conte bëri shumë mirë në Juve, sepse tifozët e duan dhe sepse Juve ka disa probleme, por nuk mendoj se për momentin ka ndonjë gjë rreth kësaj. Ky është mendimi im personal.
“Unë mendoj se tani Antonio është shumë i përqendruar për atë që po bën në Tottenham Hotspur dhe fakti që ata kaluan në raundin e 16 [në Ligën e Kampionëve] është një gjë e madhe. Ai ishte në gjendje të rriste ekipin vitin e kaluar nga vendi i nëntë, kështu që filloi një rrugëtim që ende po shkon mirë dhe ai ka shumë gjëra për të bërë atje. Unë mendoj se ai është i përqendruar shumë tek Tottenhami”.
Del Piero shtoi mbi interesin që po tregohet për menaxherët që operojnë jashtë atdheut të tyre, me një italian tjetër me vlerësim të lartë që po fiton shumë tituj në Real Madrid: “Ne vazhdojmë të kërkojmë dhe ndjekim të gjithë italianët që nuk janë në Itali si [Conte], si [Carlo] Ancelotti dhe unë mendoj se italianët po shikojnë Antonion për të parë nëse ai është në gjendje të fitojë një trofe me Tottenham. Dua të them që Tottenham është një klub i madh në Angli, por trofeu është gjëja që mungon për kaq shumë kohë, kështu që mendoj se të gjithë po kërkojnë të shohin nëse skuadra dhe ai vetë mund ta kalojnë këtë rrugëtim për të fituar një trofe.”
Conte i udhëhoqi Spurs në top-katërshe sezonin e kaluar, duke i rikthyer ata në Ligës së Kampionëve dhe aktualisht gjenden në vendin e tretë në tabelën e Premier League para ndeshjes së vështirë me Liverpool të dielën. /FolDrejt/
