Cristiano Ronaldo është sërish në qendër të vëmendjes teksa e ardhmja e tij në Manchester United vazhdon të jetë në ballinat e mediave botërore.
Sipas ish-sulmuesit të Anglisë dhe Aston Villas, Gabby Agbonlahor, portugezi nuk ka besnikëri ndaj United apo ndonjë prej ish-klubeve të tij dhe do t’i bashkohej Liverpoolit nëse do të mundej.
Ai tha për talkSPORT: “ Cristiano Ronaldo do t’i bashkohej Liverpoolit këtë verë, nëse do të mundej. Ata janë rivalë të mëdhenj të Man United, por bëhet fjalë për Ronaldon”.
“Ai do të shkojë kudo që mund të luajë ende futboll në Ligën e Kampionëve, të shtojë rekordin e tij dhe të fitojë tituj”.
“Unë nuk mendoj se Ronaldo ka ndonjë besnikëri ndaj United, Real Madrid apo Juventus”.
37-vjeçari humbi turneun para sezonit të United në Tajlandë dhe Australi për arsye familjare, por këtë javë u kthye në Angli dhe u fotografua duke udhëtuar në terrenin stërvitor të klubit Carrington për të nisur fillimin e tij para sezonit.
Ai mbërriti në stërvitje së bashku me agjentin e tij Jorge Mendes, me dyshen duke zhvilluar bisedime me trajnerin Erik ten Hag.
Pas bisedës, Ronaldo përsëriti se e sheh të ardhmen e tij larg Old Trafford dhe kërkoi që kontrata e tij me United të prishej për t’i lejuar atij të largohej si lojtar i lirë.
Kërkesa e Ronaldos për transferim erdhi pasi United kishte një sezon të mjerueshëm 21/22 që i pa ata të përfunduan në vendin e gjashtë në Ligën Premier.
Si rezultat i pozicionit të tyre në ligë, ata do të luajnë në Ligën e Evropës në vend të Ligës së Kampionëve, gjë që ka acaruar Ronaldon.
Reprezentuesi portugez dëshiron të jetë sfidues për trofetë kryesorë dhe të thyejë më shumë rekorde, diçka që ai mendon se nuk mund ta arrijë nëse do të qëndrojë me United.
Pavarësisht lutjes së Ronaldos, qëndrimi i United mbetet i pandryshuar. Klubi është i bindur se pesë herë fituesi i Topit të Artë nuk është në shitje. Ten Hag tha gjatë një interviste se Ronaldo është në planet e tij për sezonin e ri. /Telegrafi/
