Më 29 dhe 30 qershor të këtij viti, për herë të parë do të mbahet Festivali Alba në zonën Hardturm të Cyrihut. Ky do të jetë festivali i parë dhe më i madh shqiptar.
Openairi veror i Cyrihut është pasuruar edhe me një festival: Më 29 dhe 30 qershor, do të mbahet Festivali Alba hapësirat përreth Hardturmit në Cyrih. “Ai është openairi i parë dhe më i madhi për adhuruesit e kulturës muzikore shqiptare në Europë”, thotë Adem Morina, bashkëproducent i Festivalit Alba, shkruan “20 Minuten”, pëprcjell Shtegu.com.
Manifestimi do të grumbullojë vetëm artistët nga ky rajon ose ata që atje i kanë të paktën rrënjët e tyre. E njëjta vlen edhe për mikpritësen – influencuesen nga Cyrihu, Mimoza Lekaj, e cila aktualisht ka shkaktuar senzacion, veçanërisht në komunitetin e Kosovës. “Kosova është e re dhe me një disponim optimist në asketin kulturor. Edhe në Zvicër, muzika nga Kosova ka gjithnjë e më shumë adhurues”, thotë 23-vjeçarja. Deri më tani është konfirmuar pjesëmarrja e 16 artistëve. “Aktualisht mund t`ju njoftojmë për pjesëmarrjen e Ledri Vulës, Kidës dhe Dhurata Dorës, pjesën tjetër do ta bëjmë publike në ditët në vazhdim”. Me një superyll shumë të madh, janë duke u zhvilluar negociatat përfundimtare.
Organizatorët supozojnë se gjatë këtyre dy ditëve, në zonën e Hardturmit do të festojnë më shumë se 25.000 të ftuar. “Me Festivalin Alba jemi duke e plotësuar një hendek të tregut për popullatën me shtetësi të dyfishtë, e cila është bërë shumë e fortë, sidomos në Zvicër dhe Gjermani”, ka thënë Mimoza. Në esencë, priten mysafirë nga e gjithë Europa.
Por, nuk do të thotë se hyrja është e rezarvuar vetëm me një pasaportë shqiptare apo kosovare. “Natyrisht, të gjithë ata që janë të interesuar për këtë muzikë dhe kulturë ose dëshirojnë ta njohin atë, janë të mirëseardhur”, thotë influencuesja 23-vjeçare, pëprcjell Shtegu.com. Ekzistojnë edhe stande të ushqimit që ofrojnë një kolorit ushqimesh nga Ballkani, ndërsa janë paraparë edhe disa shisha bare.
Organizatorët e Festivalit Alba nuk janë të shqetësuar se ndokush nga kulturat tjera mund të mërzitet apo shkaktojë probleme: “Ashtu sikurse edhe çdo festival tjetër, edhe ne kemi një koncept të planifikuar të sigurisë – psh, pjesëmarrja bazohet sipas moshës e cila fillon nga 18 vite. Por, pasi është një festival shqiptaro-kosovar, ne nuk presim probleme të veçanta”.
Biletat për Festivalin Alba tani janë në dispozicion në “Starticket”. Dita bileta janë në dispozicion për 100 franga. Bileta dyditore për “Early Birds” është në dispozicion duke filluar prej 120.90 frangash.
