Kryediplomati serb, përkatësisht kryetari i Partisë Socialiste të Serbisë (SPS), Ivica Daçiq, tha se partia mbështet fuqishëm qëndrimin e Këshillit të Sigurisë Kombëtare (KSK) dhe dënon shkeljen e integritetit territorial të Ukrainës, por se nuk është në favor të vendosjes së sanksioneve mbi Rusinë, shkruajnë mediat serbe, transmeton Fol Drejt.
“Ajo politikë udhëhiqet dhe shprehet publikisht nga presidenti Aleksandar Vuçiq dhe SPS-ja e mbështet fuqishëm, duke respektuar qëndrimin se interesi kombëtar i Serbisë është më i rëndësishmi dhe se e ardhmja e saj është prioriteti ynë”, ka thënë Daçiq për gazetën Politika.
Ministri i Ekonomisë Rade Basta, i cili u zgjodh anëtar i Serbisë së Bashkuar (JS) në listën e koalicionit SPS-JS, dje u bëri thirrje anëtarëve të tjerë të qeverisë serbe që të shprehin mendimin e tyre për sanksionet, duke vlerësuar se Serbia tashmë po paguan një çmim të lartë për mosvendosjen e sanksioneve kundër Rusisë dhe se kjo është e dëmshme.
Presidenti i JS Dragan Marković Palma tha për Politika se Basta shpreh një qëndrim personal dhe se partia ishte kundër vendosjes së sanksioneve kundër kujtdo./FolDrejt/
