Mbështetja ushtarake e Danimarkës për Ukrainën do të rritet në 3.21 miliardë dollarë (21.9 miliardë korona daneze) gjatë viteve 2023-2028, tha ministria daneze e Mbrojtjes, njofton Al Jazeera, transmeton Fol Drejt.
Ndihma do të shpërndahet përmes një fondi të Ukrainës, Danimarkës, i krijuar në mars si pjesë e ambicies së kombit të vogël nordik “për të qenë ndër mbështetësit më të rëndësishëm të Ukrainës”.
Fondi u caktua në pak më shumë se 1 miliard dollarë, për t’u shpenzuar për nevoja humanitare, rimëkëmbje biznesi dhe ushtarake. Nuk është menjëherë e qartë se sa është paguar.
“Jam krenar që Danimarka do të vazhdojë të jetë një kontribues i rëndësishëm. Ukraina mbetet thellësisht e varur nga ndihma ushtarake”, tha në një deklaratë ministri në detyrë i Mbrojtjes Troels Lund Poulsen./FolDrejt/
