Trajneri i Brighton, Roberto De Zerbi ka justifikuar thyerjen e zemrave të Manchester United me një penallti në minutën e 99-të, pas thyerjes së zemrës së tyre në FA Cup, transmeton Goal, përcjell Fol Drejt.
Italiani ishte i kënaqur që pa skuadrën e tij të fitonte kundër United në stadiumin AMEX, pas humbjes së tyre të fundit në gjysmëfinalen e FA Cup. Ironikisht, United e fitoi atë lojë me penallti dhe Brighton ishte në gjendje të hakmerrej me një goditje nga pika e bardhë të enjten.
Duke folur për Sky Sports, De Zerbi tha: “Me të vërtetë jam i lumtur dhe i kënaqur për performancën dhe rezultatin. Ka një Zot të futbollit. Ne e merituam të fitonim gjysmëfinalen, por humbëm në penallti, por sot fituam me një penallti. Në të dyja ndeshjet mendoj se luajtëm më mirë se United. Rezultati i fundit ishte i padrejtë”.
Brighton është ngjitur në vendin e gjashtë në tabelën e Premier League dhe tani qëndron katër pikë prapa Liverpoolit të vendit të pestë me dy ndeshje më pak. Ata janë tetë pas United me një ndeshje më pak dhe kanë një shans të vogël për t’u kualifikuar në Champions League, megjithëse Europa League është rruga më e mundshme.
Italiani do të udhëheqë skuadrën e tij Brighton për t’u përballur me Everton të hënën, përpara se të luajë me Arsenalin më 14 maj. /FolDrejt/
