Drejtori i të ashtuquajturës Zyra për Kosovën në Qeverinë e Serbisë, Petar Petkoviq ka reaguar pas deklaratave të fundit të Kryeministrit të Kosovës, z. Albin Kurti.
Siç kemi raportuar gjatë ditës, Kryeministri Albin Kurti ka deklaruar se reciprociteti do të jetë parim kur diskutohet rreth marrëveshjes për targat, transmeton Fol Drejt.
Kjo deklaratë duket se i ka shkaktuar kokë-dhimbje Petkoviqit i cili citohet të ketë thënë:
“Kurti nuk ka as besueshmërinë më të vogël të flasë në dialog për ndonjë reciprocitet dhe marrëveshje me Beogradin, sepse njoftime të tilla nuk janë gjë tjetër veçse një kërcënim i paralajmëruar paraprakisht, i cili nuk ka të bëjë fare me respektimin dhe zbatimin e marrëveshjeve të arritura deri më tani.”
Për më shumë Petkoviq ka thënë se sikur të realizohej Asociacioni i Komunave Serbe, do të ishte i përkushtuar për ndërtimin e paqes dhe bashkëjetesës në Kosovë.
Sipas tij, kjo dëshmon se qëllimet e Kryeministrit të Kosovës, nuk janë të sinqerta, e për më tepër, kërcënuese./FolDrejt/
