Presidenti ukrainas Volodymyr Zelensky iu referua publikimit të të dhënave të inteligjencës amerikane për luftën në Ukrainë dhe tha se Shtëpia e Bardhë nuk e informoi atë për këto rrethana të paparashikuara, shkruan Klix, përcjell Fol Drejt.
Në një intervistë për Washington Post, Zelensky shpjegoi se kishte dëgjuar për zbulimin e informacionit të klasifikuar si të gjithë qytetarët e tjerë përmes mediave.
“Unë nuk kam marrë informacion nga Shtëpia e Bardhë apo Pentagoni paraprakisht. Ne nuk e kishim atë informacion. Është padyshim i keq. Rrjedhja e informacionit nuk është e dobishme për reputacionin e Shtëpisë së Bardhë dhe besoj edhe për reputacionin e Shteteve të Bashkuara të Amerikës”, tha Zelensky.
I pyetur nga një gazetar nëse rrjedhja e të dhënave ka thyer besimin midis Ukrainës dhe ShBA-së, Zelensky thekson se shprehja e ndjenjave private nuk vlen për dëmin e mundshëm që mund të shkaktohet në marrëdhënie, veçanërisht në kontekstin e mbështetjes së ShBA-së për Ukrainën.
“Unë nuk duhet të rrezikoj vendin. Aty ku mund të flas sinqerisht, e bëj këtë. Megjithatë, ka rreziqe të mëdha. Nëse do të ishte lufta ime kundër presidentit rus Vladimir Putin dhe ne të dy do të ishim në fushën e betejës, do t’u tregoja të gjithëve se çfarë mendoj për ta. Këtu historia është pak më ndryshe. Ne jemi të gjithë përgjegjës”, thekson Presidenti i Ukrainës.
Njeriu i parë i Ukrainës tha gjithashtu se nuk është hera e parë që jeta e tij ndërlikohet nga zbulimet e informacioneve nga ShBA, por se tani është i fokusuar në çlirimin e territorit nga pushtimi rus.
“Pavarësisht tendencave të tilla të lajmeve, unë duhet të përgatis vendin për çlirim. Kjo është detyra ime. A ju kujtohet se si përfundoi biseda ime me Trump? U publikua. Të them të drejtën, as për këtë nuk kam dhënë leje.” tha ai.
Në fund ai përsëriti se çdo publikim i informacionit për lëvizjet e ushtrisë ukrainase nuk është në favor të këtij vendi.
“Për ne, çdo gjë që e informon armikun paraprakisht në një mënyrë apo tjetër është padyshim një minus për ne. Unë nuk shoh ndonjë avantazh,” përfundoi Zelensky. /FolDrejt/
