Zyrtarët ukrainas konfirmojnë se integriteteti territorial i vendit nuk ka qenë dhe nuk do të jetë pikë e diskutimeve me palën ruse.
Këshilltari i presidentit Volodomir Zelensky deklaroi se delegacioni ukrainas që merr pjesë në bisedimet me Rusinë “i kupton motivet” e Federatës Ruse në Ukrainë, duke shtuar se ndërsa pala ukrainase është e vetëdijshme se “ku dëshiron të shkojë [Rusia] ,” nuk do të bëhen lëshime për integritetin territorial të vendit.
Duke folur gjatë një konference për shtyp në qytetin ukrainas të Lviv, Mykhailo Podoliak tha se pozicioni i Ukrainës po “përforcohet” nga partnerët perëndimorë, duke shtuar se presidenti Volodymyr Zelensky “përfundimisht nuk do të bëjë asnjë lëshim që do të pakësonte integritetin dhe lirinë tonë territoriale. ”
“Pozicioni i Federatës Ruse është i ashpër – po të ishte e lehtë, nuk do të sulmonin Ukrainën – por pozicioni i shefit të Forcave të Armatosura të Ukrainës është gjithashtu i ashpër. Negociatat janë të vështira por po zhvillohen”, shtoi Podoliak.
Konferenca për shtyp vjen një ditë pas raundit të dytë të bisedimeve midis delegacioneve ukrainase dhe ruse në Bjellorusi. Në një postim në Tëitter të enjten, Podoliak tha se bisedimet nuk dhanë rezultatet e kërkuara nga Ukraina, megjithëse delegacionet ishin në gjendje të arrinin një “zgjidhje vetëm për organizimin e korridoreve humanitare”.
Duke folur të premten, David Arakhamia – një zyrtar i lartë i partisë qeverisëse të Ukrainës i cili gjithashtu mori pjesë në bisedime – tha se Zelensky nuk ka bërë një kërkesë zyrtare për bisedime me presidentin rus Vladimir Putin, duke shtuar se mbetet “shumë herët” dhe se negociatat e mëtejshme nevojiten para se të flasin.
CNN thekson se Arakhamia vuri në dukje gjithashtu se Rusia po përballet me “presion” të shtuar nga komuniteti më i gjerë ndërkombëtar mbi sulmet e forcave ruse në zonat civile në Ukrainë.
I shtyrë për sulmin e Rusisë në termocentralin bërthamor Zaporizhzhia, Arakhamia tha se negociatorët ukrainas sugjeruan një zonë 30 kilometra pa konflikt rreth të gjitha objekteve bërthamore në Ukrainë gjatë bisedimeve të enjten, “dhe më pas ndodhi menjëherë Zap”.
