Drejtori sportiv i Barcelonës, Mateu Alemany, konfirmoi shitjen e Ousmane Dembele.
Ai është rrugës për në Paris dhe marrëveshja është arritur. Ne vetëm duhet të nënshkruajmë të gjitha dokumentet”, tha ai. Dembele së shpejti pritet të bëhet lojtar i PSG-së dhe Barcelona duhet të fitojë rreth 50 milionë euro.
Kujtojmë, Dembele erdhi në Barcelonë gjashtë vite më parë nga Borussia Dortmund për 140 milionë euro, por nuk e realizoi kurrë potencialin e tij të plotë për shkak të lëndimeve të shpeshta. Nëse shikoni se sa ka paguar Barcelona për të dhe sa ka marrë prej tij, sigurisht që renditet ndër dështimet më të mëdha në historinë e klubit. Ai luajti 185 ndeshje në gjashtë vjet, shënoi 40 gola dhe asistoi 43 herë, transmeton Fol Drejt.
