Gjykata vendos se shoferi 52-vjeçar u fut me dashje në turmë – Do të vendoset nën vëzhgim psikiatrik.
Një gjykatë gjermane dënoi të martën me burgim të përjetshëm shoferin, i cili në dhjetor të 2020-ës përplasi dhe vrau pesë persona , përfshirë një dentist grek dhe vajzën e tij tetë javëshe, në një rrugë këmbësore në qytetin e Trierit, shkruan protothema, transmeton Fol Drejt.
Në vendimin e gjykatës parashikohet edhe monitorimi dhe trajtimi psikiatrik i 52-vjeçarit.
Avokati mbrojtës la të hapur mundësinë e ankimimit të vendimit.
Mes të vdekurve ishin dy grekë, George Kobiliris dhe vajza e tij 8 javëshe . Bashkëshortja dhe fëmija tjetër i familjes, një djalë 1.5 vjeç janë dërguar në spital jashtë rrezikut për jetën.
Tre gra të tjera, të moshës 25, 52 dhe 73 vjeç, të gjitha banuese në Trier, humbën jetën tragjikisht.
Shoferi me shpejtësi 70-80 km/h ka drejtuar makinën e tij, një fuoristradë Range Rover, me shpejtësi 70-80 km/h, të cilën nuk e ka ndalur. Madje për katër minuta ajo bëri zig-zage, duke ndjekur këmbësorët përgjatë një rruge prej një kilometri, deri në Porta Nigra, monumenti qendror romak i qytetit./FolDrejt/
