Miratimi i Ligjit për Gjykatën Komerciale në Kuvendin e Kosovës, është një lajm i mirë për Misionin e USAID-it.
Pas miratimit të këtij ligji nga ana e deputetëve, ka reaguar USAID-i, duke e lavdëruar aktin në fjalë, transmeton Fol Drejt.
Sipas tyre ky ligj do të përmirësoj besimin e sektorit privat dhe investitorëve të huaj.
“Urime Kuvendit të Kosovës për miratimin e Ligjit për Gjykatën Komerciale me votë unanime! Miratimi i tij i shumëpritur, ligji themelon një gjykatë speciale për trajtimin e mosmarrëveshjeve të biznesit dhe do të përmirësojë besimin e sektorit privat dhe investitorëve të huaj në të bërit biznes në Kosovë. Aktiviteti ynë #CommercialJustice mbështeti Ministrinë e Drejtësisë në zhvillimin e ligjit përmes një procesi shumë gjithëpërfshirës dhe pjesëmarrës që përfshinte gjyqësorin, ekspertë të ligjit tregtar, praktikues, akademikë dhe përfaqësues të biznesit dhe shoqërisë civile”, thuhet në publikimin e tyre.
