Dy deputetet e Kuvendit të Kosovës, Tinka Kurti dhe Eliza Hoxha janë takuar me drejtorin e Bankës Botërore për Kosovën, Massimiliano Paolucci, shkruan Fol Drejt.
“Kryetarja e Grupit të Grave Deputete, znj. Tinka Kurti si dhe anëtarja e këtij Grupi, znj. Eliza Hoxha kanë pritur sot në takim z. Massimiliano Paolucci, drejtor i Bankës Botërore për Kosovën dhe Maqedoninë e Veriut z. Massimiliano Paolucci bashkë me z. Lundrim Aliu, zyrtar për Marrëdhënie me Jashtë.”, shkruan në njoftimin e Kuvendit të Kosovës.
Sipas raportit, punësimi i grave, rregullimi i informalitetit tek to, e fuqizimi i tyre në ekonomi ishin temë kyqe bashkë me aspekte të tjera që lidhen me punësimin.
“Rëndësia e edukimit në fëmijërinë e hershme përmes çerdheve dhe sigurimi i transportit publik ishin gjithashtu tema të ndërlidhura në këtë takim. Për GGD-në rritja e punësimit të grave, mundësitë e barabarta në arsim, përkrahje në bizneset fillestare është prioritare dhe angazhimi do të jetë maksimal me të gjitha institucionet dhe partnerët të interesuar për këtë.”, thuhet tutje në njoftim. /FolDrejt/
