Shefi i grupit parlamentar të PDK-së, Abelard Tahiri, ka komentuar statuset e ministrit të Financave, Hekuran Murati, rreth cështjes së veteranëve të luftës.
Tahiri, statusin e vitit 2016 të Muratit e cilësoi si skandaloz, teksa tha se kryeministri i vendit s’ka alternativë tjetër veç largimit të tij nga posti i ministrit të Financave.
“Ne shohim se këtu ka tashmë një agjendë të ministrit Murati që ka një kundërshtim të madh ndaj kësaj kategorie.Ne i kërkojmë kryeministrit dhe i kemi thënë edhe dje se e ka një ministër të Financave që është totalisht i paaftë, një ministër që veç me numra nuk flet, me një ministër që vjen me qëllime të caktuara për t’i fyer deputetët e opozitës dhe fyerjet e tij ndaj veteranëve të UÇK-së janë të papranueshme”, është shprehur Tahiri, njofton Klankosova.tv.
Ai tha se me largimin e Muratit nga posti i ministrit, Kurti e çliron edhe veten, pasi sipas tij, në krye të kuletës së shtetit ka vendosur një njëri siç e quajti ai, të paaftë dhe që ofendon./klankosova.tv/
