Deputeti në listën e përbashkët të VV-së dhe Vjosa Osmanit, Burim Karameta , ka dalë kundër vendimit të Qeverisë Kurti për pranimin e kërkesës së Zyrës së Rregullatorit të Energjisë për rritjen e tarifave.
Karameta tha se shumica e qytetarëve do të preken nga kërkesa e ZRrE-së, pasi siç thotë ai po thuajse mbi 90 për qind të kosovarëve harxhojnë mbi 1 mijë kilovatë.
“Duhet të bëjmë politikën me qytetarët. Gjithashtu një e dhënë e ZRrE-së, që thotë se 90 për qind nuk atakohen nga kjo rritje, unë mendoj se ata atakohen pasi harxhojnë shumica e tyre shumë kilovatë. Unë tani do të ndajë një mendim ndryshe jo për t’u përbashkuar me opozitën, por vota ime do të jetë kundër rritjes eventual të faturave të rrymës”.
