Shefi i Grupit Parlamentar të AAK-së Besnik Tahiri ia ka shtruar disa pyetje të drejtpërdrejta Ministrit të Financave Hekuran Murati, ku ndër të tjera është përmendur edhe TRUST-i, shkruan Fol Drejt.
“Kërkoj prej ministrit me mu përgjegj drejtpërdrejt në pyetjet e mia. E para:
A është e vërtetë që për një ditë në TRUST kanë humbë 18 milion euro;
A është e vërtetë se në TRUST një herë kanë humbë 180 milionë euro, e tash 36 milionë euro;
A është e vërtetë që TRUST-i nuk ka bord dhe pse s’ka bord, e para, a është e vërtetë që kur flasim për investime kapitale, që nga 22 milion euro për investime të reja kapitale për 20 komuna, 12 milion i keni ndarë për komunat që qeverisin nga Vetëvendosja. Veç me më thanë PO, Jo! Dhe e treta, sa i përket pagës minimale, a mundeni me më tregu një veprim të vetëm që e keni ndërmarr ju si ministër i financave, me e shty këtë shumicë parlamentare, me e shty ligjin për pagën minimale”, ka pyetur Tahiri.
Por ministri i ka mohuar pretendimet se TRUST-i ka pësuar humbje, duke e pranuar faktin që ai ende nuk ka bord, por që po punohet në këtë drejtim për ta formuar atë./FolDrejt/
