Zyrtarët ukrainas thonë se ushtria e vendit ka arritur të ndalojë avancimin rus në qytetin port të Odesës. Megjithatë, forcat detare ruse filluan të bombardojnë periferitë e portit të hënën, si pjesë e përpjekjeve për të shkëputur ukrainasit nga Deti i Zi.
Deputeti ukrainas Oleksiy Goncharenko, i cili aktualisht ndodhet në Kiev foli për BBC për situatën në Odesa, qyteti që ai përfaqëson. Vladimir Putin e sheh Odesën si një nga qytetet e shenjta të Ukrainës, thai ai.
Sipas tij Odesa po sulmohet sepse është qyteti më i madh në Detin e Zi. Hera e fundit që Odesa u bombardua ishte nga nazistët 80 vjet më pare.
Depuetti ukraians e cilëson Putin si një “Hitlerin e shekullit 21”.
Deputeti nuk beson se Putini është i gatshëm për negociata paqësore për momentin dhe thotë se nuk do të ndalet, apo të ketë negociata reale. Duhet të ketë më shumë sanksione ndërkombëtare ndaj Rusisë, në mënyrë që Putini të mos mund ta përballojë luftën, tha Goncharenko.
Ai bëri thirrje se Ukraina duhet të furnizohet me më shumë armë, jo vetëm sisteme të mbrojtjes ajrore, por avionë, sepse Rusia aktualisht ka një avantazh në ajër.
Zhvillimet kryesore të luftës Rusi –Ukrainë sot
1. Presidenti ukrainas Volodymyr Zelensky tha se ka folur me Papa Françeskun për rolin e mundshëm të Vatikanit në ndërmjetësimin e paqes me Rusinë.
2. Të paktën 10 spitale janë shkatërruar plotësisht dhe luftimet e ashpra po vazhdojnë rreth Kharkiv dhe Mariupol, thotë Ukraina.
3. Forcat detare ruse kanë filluar të bombardojnë periferi të Odesës, si pjesë e përpjekjeve për të shkëputur ukrainasit nga Deti i Zi.
4. Presidenti i SHBA Biden paralajmëron se ka frikë se Putin mund të përdorë armë kimike ose biologjike në Ukrainë.
