Eva Kaili, deputetja greke e Parlamentit Europian, e cila u bë fytyra më e njohur e skandalit të korrupsionit që përfshiu Parlamentin Europian, u lirua sot nga burgu pas më shumë se katër muajsh prapa grilave, shkruan Klix, përcjell Fol Drejt.
Tashmë deputetja do të vendoset në arrest shtëpiak me një byzylyk elektronik, siç konfirmoi avokati i saj Sven Mary.
“Nuk do të komentoj më tej, përveç faktit se ky është një vendim logjik që mori shumë kohë për t’u marrë”, tha Mary në një deklaratë të shkurtër për Euronews.
Lajmi është konfirmuar nga Prokuroria Federale e Belgjikës.
Vendimi erdhi si befasi pasi u njoftua një ditë përpara paraqitjes së planifikuar para një gjyqtari nesër, mëngjesin e së enjtes.
Kujtojmë se Kaili ndodhet në paraburgim që prej datës 9 dhjetor dhe mediat shpeshherë dolën në media për kushtet jashtëzakonisht të këqija në të cilat ndodhet deputetja.
“Javën e kaluar ka qenë tre ditë në izolim, tre ditë e kanë mbajtur me dritë të ndezur, ka qenë ftohtë dhe nuk i kanë dhënë batanije, nuk është ndjerë mirë dhe ka humbur shumë gjak. Kjo është torturë, sikur të jemi në mesjetë”, tha avokatja e saj Meri, duke shtuar se ajo po mbahet pas grilave si trofe. /FolDrejt/
