Dje në Bruksel pas një takimi maratonik, Kosova dhe Serbia nuk kanë arritur të merren vesh për çështjen e targave, shkruan Fol Drejt.
Kosova, përkatësisht Kryeministri Albin Kurti është pajtuar që çështjes t’i jap kohë edhe për 48 orë, pasi këtë ia kërkoi ambasadori amerikaj Jeff Hovenier.
Por as ambasadorët e tjerë nuk kanë qëndruar indiferent pas këtyre zhvillimeve.
Ambasadori i Francës në Kosovë Olivier Guerot është shprehur i zhgënjyer që një marrëveshje e tillë nuk është arritur.
“La France regrette l’absence d’accord entre la Serbie et le Kosovo, à la suite de la réunion du 21 novembre à Bruxelles, sous l’égide du Haut représentant de l’Union européenne pour les affaires étrangères et la politique de sécurité, M. Josep Borrell”. 1/4
— Ambassadeur Olivier Guerot (@Olivier_Guerot) November 22, 2022
“Franca shpreh keqardhje për mungesën e një marrëveshjeje ndërmjet Serbisë dhe Kosovës, pas takimit të 21 nëntorit në Bruksel, nën kujdesin e Përfaqësuesit të Lartë të Bashkimit Evropian për Politikë të Jashtme dhe Siguri, z. Josep Borrell” – ka shkruar ai, për të marr anë më pas, me Përfaqësuesin e Politikës së Jashtme të BE-së Joseff Borrell.
“Ai i bashkohet thirrjeve të Bashkimit Evropian për të shmangur çdo veprim të njëanshëm që mund të nxisë tensionet. Ai u kërkon të dyja palëve, dhe në veçanti Kosovës, të pranojnë propozimin e kompromisit të formuluar nga Bashkimi Evropian. Franca mbështet plotësisht ndërmjetësimin evropian, i cili duhet të bëjë të mundur përparimin drejt një marrëveshjeje globale dhe ligjërisht të detyrueshme ndërmjet Serbisë dhe Kosovës dhe të ecim përpara në drejtim të perspektivës evropiane të dy vendeve.
Ne nxisim palët që në ditët në vijim të vazhdojnë diskutimet në frymën e kompromisit dhe të zbatojnë marrëveshjet e arritura tashmë, duke përfshirë dispozitat që kanë të bëjnë me Asociacionin/Bashkësinë e Komunave me Shumicë Serbe” – ka shkruar Guerot./FolDrejt/
