Forcat ruse u përpoqën të përparonin përsëri nga veriu i Slovianskut, por ofensiva e tyre ishte e pasuksesshme dhe ata u tërhoqën, njoftoi ushtria ukrainase.
Beteja ndodhi pranë Mazanivka në kufirin e rajoneve Donetsk dhe Kharkiv, një zonë që pa përpjekjet ruse për të depërtuar më shumë se 40 ditë më parë, sipas Shtabit të Përgjithshëm, përcjell rtv21.tv
Një tjetër sulm rus më në lindje gjithashtu dështoi, pavarësisht mbështetjes nga avionët luftarakë, njoftoi tutje ushtria. “Afër Ivano-Dariivka, me mbështetjen e aviacionit, armiku kreu aksione sulmi të pasuksesshme. Ai pësoi humbje dhe u tërhoq”.
Luftimet kanë vazhduar në atë qark për më shumë se një muaj.
Ukrainasit thonë se objektivat ruse mbeten të njëjta, ata janë “të fokusuar në kryerjen e veprimeve aktive sulmuese në drejtimet Kramatorsk, Bakhmut dhe Avdiivka”.
Ndërkohë, rusët duket se kanë bërë përpjekje të reja për të thyer linjat ukrainase në Donetsk jugor, midis Pavlivka dhe Novomykhailivka, ku “armiqësitë vazhdojnë”, sipas Shtabit të Përgjithshëm.
Më në veri, në rajonin e Kharkiv, Shtabi i Përgjithshëm i Ukrainës tha se rreth 20 vendbanime ishin vënë nën zjarr, duke përfshirë disa afër kufirit me Rusinë.
Kryetari i Bashkisë së Kharkiv, Ihor Terekov, u bëri thirrje civilëve të qëndrojnë brenda pasi predhat ranë në lagjen Saltivka./21Media/
