39 persona kanë vdekur pas fundosjes së një gomone pranë Ishujve Kanarie të Spanjës, sipas OJQ-së spanjolle Walking Borders, raporton Al Jazeera,përcjell Fol Drejt.
“Një tragjedi e re në Atlantik është konfirmuar me tridhjetë e nëntë njerëz të vdekur, duke përfshirë katër gra dhe një foshnjë,” tha Helena Maleno Garzón, mbrojtëse e të drejtave të njeriut në Walking Borders në Twitter.
Ajo shtoi se njerëzit ishin lutur për ndihmë dhe varka e tyre kishte qenë në territorin detar të Spanjës për më shumë se 12 orë.
Ndërkohë, OJQ-ja Alarm Phone tha gjithashtu se 59 personat në gomone që ishin larguar nga qyteti i Agadir në Marok duke u nisur drejt Spanjës, ishin përpjekur gjithashtu të lajmëronin Marine Royale të Marokut, por ata nuk kishin qenë të arritshëm gjatë gjithë natës.
Nga 59 personat në gomone, një shërbim spanjoll i shpëtimit detar i tha agjencisë së lajmeve Reuters se 24 persona ishin shpëtuar nga përpjekjet e shpëtimit të udhëhequra nga Marokeni, të kryera rreth 141 km (88 milje) në juglindje të ishullit Gran Canaria.
Çdo vit, mijëra emigrantë dhe refugjatë nga vendet e Afrikës Sub-Sahariane përpiqen të arrijnë Kanariet e Spanjës me varka të mbushura. /FolDrejt/
