Mediat hungareze, duke iu referuar Ministrisë së Mbrojtjes së këtij vendi, kanë raportuar se ushtarit hungarez i cili u plagos gjatë një proteste në veri të Kosovës, i është prerë gjymtyra, transmeton Fol Drejt.
“Më 29 maj, ushtarët hungarez pjesëmarrës në forcën paqeruajtëse të NATO-s (KFOR) u vendosën për të siguruar zyrën e kryetarit të Zveçanit në Kosovë. Protestuesit serbë të mbledhur atje dolën në rrugë, për shkak të rezultateve të zgjedhjeve dhe më pas sulmuan ushtarët e NATO-s” – ka shkruar sot mediumi hungarez Telex.
“Disa nga ushtarët hungarezë të plagosur u dërguan në shtëpi në Hungari me aeroplan të mbrojtjes kombëtare të nesërmen, kohë në të cilën Ministri i Mbrojtjes Kombëtare Kristóf Szalay-Bobrovniczky raportoi gjithsej 27 viktima hungareze. Shumica e gardistëve hungarezë tashmë kanë mundur të kthehen në shtëpi, por gjendja e dy ushtarëve është ende e rëndë dhe ata janë ende duke u trajtuar në spital” – thuhet më tej në artikull.
“Për rikuperimin e tyre, Forcat Hungareze të Mbrojtjes dhe mjekët ushtarakë po bëjnë gjithçka në maksimum. Pavarësisht nivelit të lartë të kujdesit mjekësor, pas një konsultimi paraprak me pacientin, duke marrë parasysh rezultatet e trajtimeve të ofruara që nga lëndimi, një prej tyre kërkonte një ndërhyrje me amputim të gjymtyrëve, e cila u krye të premten në Institutin Kombëtar të Rehabilitimit Mjekësor. Operacioni ka shkuar mirë, gjendja e pacientit është stabile”, thuhet në njoftimin e ministrisë së Hungarisë./FolDrejt/
