Ministri i jashtëm verimaqedonas, Nikola Dimitrov, ka kryer një intervistë për të përditshmen gjermane Tagesspiegel, ku ka folur për zhvillimet e fundit në vend dhe mundësinë e dhënies së dritës së gjelbër nga BE për fillimin e negociatave me shtetin e tij.
Sipas Dimitrov, Maqedonia e Veriut i ka kryer të gjithë detyrat brenda dhe jashtë saj, andaj pret përgjigje pozitive. Poashtu ai vlerëson lartë rolin e kancelares gjermane Angela Merkel, e cila ka theksuar se mbështet hapjen e negociatave në shtator 2019.
Në pyetjen nëse Maqedonia e Veriut është ‘viktimë’ e Shqipërisë, e cila ka probleme me krimin e organizuar, Dimitrov përgjigjet: “Do ishte mirë për rajonin që edhe Shqipëria të fillonte hapjen e negociatave(…). Në Ballkan kemi nevojë për dinamikë pozitive dhe jo negative.”
Në fund Dimitrov paralajmëroi se mos shpërblimi për reformat në Ballkanin Perëndimor nga BE u jep shansë forcave të treta për të shtuar ndikimin./Foldrejt.com
