Ministri i jashtëm i Maqedonisë Veriore, Nikola Dimitrov, ka kryer një intervistë për të majtën austriake Der Standard, ku ka njoftuar për rëndësinë e hapjes së negociatave me Bashkimin Europian, pasi vendi i tij prej 14 vjetësh është në dhomën e pritjes dhe tani ka ardhur momenti të shpërblehet, informon foldrejt.com.
Reformat kanë vlerë kur shpërblehesh. Për të parandaluar emigrimin, ne duhet të sjellim (krijojmë) Europën në Maqedoninë Veriore. “Por në rast se BE nuk jep dritën jeshile për hapjen e negociatave me vendin tonë, atëherë do dëmtonte shumë imazhin e BE-së në rajon dhe do ngricte ndikimin e forcave të treta në rajon dhe rritjen e nacionalizimit dhe forcave anti-europiane,” tha Dimitrov.
Arsyeja se pse duhet të shpërblehet Maqedonia Veriore ai përmend raportet e disa organizatave ndërkombëtare si Freedom House (US-Thinktank, SHP: foldrejt.com.) e cila shkruante se Maqedonia Veriore ka shansat më të mira për “një vend demokratik në BE”, kurse edhe Indeksi Demokratik i “Economist” tregonte se Maqedonia Veriore është ndër të pakta ku vëreheshin përparime. Gjithashtu në raportin e ministrisë së jashtme amerikane mbi të drejtat e njeriut, theksonte mes tjerash se vendi ka përparime në vendosjen e drejtësisë së pavarur dhe mundësimit të lirisë së medias. Në raportin e Reporterëve pa Kufij, Maqedonia Veriore u ngrit për katër vende.
“Ne nuk jemi perfekt, por definitivisht në rrugën e drejtë. Në Ballkan je krenar për historinë, por ne kemi treguar me miqtë tanë grekë se mund të prodhojmë të ardhme dhe jo të kaluar,” tha Dimitrov duke kujtuar thënien e Churchill për Ballkanin. Dimitrov shtoi se kjo duhet të shërbejë edhe për Kosovën dhe Serbinë, që të arrijnë një marrëveshje dhe se e vetmja gjë që na bën të “mëdhenj si shtete” është Europa.
Në fund në lidhje me tensionet mes Rusisë dhe NATO, Dimitrov i drejtohet Rusisë duke i thënë se “është e drejtë e tyre dhe në të njëjtën kohë ofendim kur ndokush tjetër i tregon atij se si duhet të veprojë.”
“Është axhendë maqedonase dhe këtë e bëjmë për njerëzit tanë.”/Foldrejt.com
