Diplomatët e lartë të Arabisë Saudite dhe Iranit u takuan në Pekin, për herë të parë në më shumë se shtatë vjet, të enjten, njoftuan media shtetërore kineze, raporton Anadolu Agency, përcjell Fol Drejt.
Ministri i Jashtëm i Arabisë Saudite, Princi Faisal bin Farhan Al Saud takoi homologun e tij iranian Hossein Amir-Abdollahian të enjten në Pekin, njoftoi transmetuesi kinez CGTN.
Takimi vjen pasi Riadi dhe Teherani muajin e kaluar në një zhvillim të papritur njoftuan rifillimin e marrëdhënieve diplomatike, të ndërmjetësuara nga Kina.
Të dy kombet pritet të rihapin ambasadat në kryeqytetin e njëri-tjetrit deri në muajin e ardhshëm.
Irani dhe Arabia Saudite ndërprenë marrëdhëniet e tyre pasi Ambasada Saudite në Teheran u sulmua nga një turmë e zemëruar në janar 2016 pas ekzekutimit të klerikut shiit saudit Sheikh Nimr al-Nimr.
Që nga prilli i vitit 2021, të dy palët u angazhuan në bisedime maratonë të lehtësuara nga Bagdadi dhe Muskati, por ishte ndërhyrja kineze që rezultoi në një përparim muajin e kaluar. /FolDrejt/
