Një burrë nga qyteti gjerman Giessen ka humbur 200 mijë euro, pak nga faji i tij, por edhe si pasojë e mashtrimit ordiner të disa personave nga Maqedonia e Veriut, shkruan foldrejt.com, duke u bazuar në një sërë mediash gjermane si ffh.de.
Fillimisht, disa persona akoma të panjohur nga policia, i janë paraqitur 62 vjeçarit Schwarz se ka fituar 40 mijë euro. Por për ti tërhequr këto para, duhet një sigurim prej 2000 eurosh. Kjo ka ndodhur në shkurt 2019. Më pas, ata i janë paraqitur edhe njëherë duke i treguar se mund të fitonte xhekpotin. Kjo është përsëritur disa herë, derisa 62 vjeçarit i janë harxhuar 200 mijë euro.
Vetëm atëherë plaku 62 vjeçar ka filluar të ankohet te policia gjermane. Nga policia gjermane theksojnë se bizneset serioze të bastoreve ose lotarive nuk kërkojnë kushte./Foldrejt.com
