Arsyet e të gjithëve për të ushtruar janë individuale, të tilla si përmirësimi i densitetit të kockave, forca e muskujve ose shëndeti më i mirë mendor.
Megjithatë, ekspertët besojnë se një zemër e shëndetshme është një dëshirë mjaft universale që ne të gjithë e ndajmë. Sipas kardiologes Jessica Hennessy, kombinimi i duhur i ushtrimeve në rutinën tuaj mund të bëjë mrekulli për shëndetin e zemrës, raporton The Healthy, përcjell Fol Drejt.
Siç tregon ajo, ka tre ushtrime të thjeshta që mund t’ju ndihmojnë të mbani zemrën tuaj të fortë, të parandaloni sëmundjet e zemrës dhe të përmirësoni rikuperimin nëse keni atak në zemër.
Aktiviteti aerobik
Zemra është një muskul dhe ashtu si çdo muskul tjetër, ajo forcohet sa më shumë ta përdorni, ose ta ushtroni, thotë Dr. Hennessy. “Ushtrimet aerobike forcojnë zemrën sepse në njëfarë mënyre e përgatisin atë për të përballuar çdo stres në trup”, shpjegon ajo.
Përveç kësaj, ushtrimet aerobike, shpesh të referuara si kardio, gjithashtu ndihmojnë ndjeshëm në kontrollin e peshës, përmirëson qarkullimin e gjakut dhe parandalon dëmtimin e arterieve nga kolesteroli i lartë, sheqeri i lartë në gjak ose presioni i lartë i gjakut. Siç shton kardiologia, e gjithë kjo e mban zemrën tuaj të shëndetshme dhe zvogëlon rrezikun e sëmundjeve kardiovaskulare.
Trajnimi i qëndrueshmërisë
Muskujt janë konsumatorët kryesorë të energjisë në trupin tuaj, shpjegon Hennessy, kështu që më shumë masë muskulore do të thotë më shumë konsum energjie gjatë gjithë ditës. Kjo do të thotë që ju arrini një normë më të lartë metabolike që e bën më të lehtë djegien e kalorive dhe ruajtjen e një peshe të shëndetshme. Hulumtimet tregojnë gjithashtu se rritja e masës muskulore ka një efekt mbrojtës në arteriet tuaja, duke reduktuar rrezikun e presionit të lartë të gjakut dhe forcimin e arterieve.
Mjekët rekomandojnë stërvitje qëndrueshmërie të moderuar deri në intensitet të lartë të paktën dy herë në javë, së bashku me ushtrime aerobike. Por përsëri, ju duhet të kujdeseni për aftësitë tuaja. Domethënë, ngritja e tepërt e peshës shumë shpejt mund të bëjë shumë presion në zemrën tuaj dhe të rrisë rrezikun e lëndimit, shpjegon kardiologia./FolDrejt/
