Barcelona u kthye në transferimin e mesfushorit maroken Sofyan Amrabat (26). Bëhet fjalë për mesfushorin maroken që realizoi ndeshje shumë të mira në Botëror.
Ai ishte një nga lojtarët më të mirë të turneut dhe për të po paralajmërohej një transferim i madh edhe para se Maroku të përfundonte paraqitjen e tij në Katar me një disfatë ndaj Kroacisë.
Gazetari spanjoll Gerard Romero pretendon se katalanasit do të punojnë për atë transferim me Fiorentinën sot dhe huazimi duhet të ndodhë deri në fund të sezonit. Barcelona këmbëngul se nuk ka asnjë klauzolë të detyrueshme të blerjes në kontratë. Sipas Transfermarkt, ky lojtar kap vlerën e 25 milionë eurove, ndaj pritet që Barcelona të ketë një klauzolë në kontratë sipas së cilës ata kanë të drejtë, por jo detyrim, ta blejnë atë për një shumë të ngjashme me atë vlerësim. .
Macron e do atë
Kujtojmë se pasi Maroku u mposht 2:0 nga Franca në gjysmëfinalen e Botërorit, lojtarët e asaj kombëtareje u vizituan në dhomën e zhveshjes nga presidenti i Francës, Emmanuel Macron. Pasi përshëndeti disa persona, Macron iu afrua Amrabatit dhe e përqafoi me mesazhin se është mesfushori më i mirë në Botëror.
Duhet theksuar gjithashtu se Amrabat ishte një objektiv i Liverpoolit për një kohë të gjatë, por ajo marrëveshje nuk u realizua në fund. Tani duket se do të marrë transfertën më të madhe të jetës së tij, por jo në Angli por në Spanjë. Nëse Liverpool nuk rihyn në histori në orët e mbylljes së afatit kalimtar, atëherë gjithçka është e mundur./FolDrejt/
