Djemtë e Hysni Gucatit, njërit prej ushtarëve më të dalluar të UÇK-së, po cilësohen si të rrezikshëm për shtetin serb. Ky lajm ka qarkulluar në mediat serbe dhe për këtë ka reaguar edhe djali i Hysni Gucatit, Musli Gucati.
Ai ka thënë se ky lajm tregon se Serbia është me të gjitha karakteristikat e një shteti fashist.
“Me herët u njoftova nga disa miq për një lajm që po qarkullon ne media serbe së unë dhe vëllau im Gëzimi qenkemi persona të rrezikshëm për shtetin serb.
Nëse kjo është e vërtetë atëherë kjo tregon për shtetin serb të cilin e kemi fqinje që është një shtet me të gjitha karakteristikat e një shteti fashist i cili çdo herë i ka luftuar njerëzit që e kanë thënë të vërtetën, e vërteta e Serbisë është shume e hidhur për ta pasi janë një shtet që ka bërë krime, një shtet që nuk e do të vërtetën, një shtet që ende ska dhënë përgjegjësi për krimet e mëdha të bëra në Kosovë”, ka shkruar Gucati në profilin e tij në Facebook.
Tutje Musli Gucati ka thënë se ne asnjëherë nuk do të largoheni nga rruga e gjyshit dhe babait të tij, të cilët luftuan që Kosova të jetë e lirë.
“Ne asnjëherë nuk do ndalemi së punuari në interes të vendit tonë Kosovës dhe çdo herë do i tregojm krimet dhe dhunen serbe, asnjëherë nuk do largohemi nga rruga e Gjyshit e Hysit e shumë të tjerëve që luftuan që Kosova të jetë e lirë nga pushtuesit serb.
Sot kur po shënohet përvjetori i masakrës së Reçakut të kryer nga regjimi i Millosheviçit ende shteti serb ska dhënë asnjë përgjegjësi për këtë masakër!”, ka shkruar Musli Gucati.
