Sot ka qarkulluar nëpër rrjetet sociale një video ku shihen nxënësit e shkollës Faik Konica në Prishtinë, duke dëgjuar këngë të papërshtatshme për moshën e tyre.
Për këtë arsye Fol Drejt ka kontaktuar Komunën e Prishtinës, përkatësisht Drejtorinë e Arsimit, për të marrë sqarime të mëtejme, nëse rasti në fjalë ka ndodhur qëllimshëm.
Nga DKA kanë thënë se në fakt, kënga është lëshuar në kohën kur nuk ka qenë prezente drejtoria, por përkundër kësaj, ajo u kërkuar falje prindërve, duke iu premtuar se një gjë e tillë nuk do të përsëritet më.
“Kënga në fjalë është lëshuar dje në oborr të shkollës, siç edhe na ka njoftuar Drejtoria e shkollës, kjo ka ndodhë gjatë aktiviteteve të “Konica Fest”.
“Konica Fest” po organizohet për herë të parë nga shkolla, dhe trajton temën e bullizmit, temë me rëndësi të madhe sidomos pas pandemisë. Këshilli i nxënësve dhe Drejtoria e shkollës kanë përgatitur një program fantastik që adreson disa nga sfidat kryesore të arsimit në Kosovë.
Organizator është vet shkolla Faik Konica. Kemi kërkuar përgjegjësi nga shkolla. Menjëherë pas këngës është ndërruar repertori i muzikës, pasi që kënga është lëshuar gjatë kohës që Drejtorja e shkollës nuk ka qenë prezent. Pas ndodhisë, Drejtoria e shkollës ka kërkuar falje tek prindërit dhe është siguruar qe një gjë e tille nuk përsëritet.
Ne si Drejtori e Kryeqytetit kemi kërkuar qe repertori të zgjidhet sipas grup moshave. Drejtoria e shkollës dhe këshilli i nxënësve kanë qenë shumë bashkëpunues dhe kanë reaguar menjëherë. Sot, gjatë programit të shkollës, Drejtoria e shkollës edhe njëherë ka kërkuar falje për lëshimin e djeshëm“ – thuhet në përgjigjen e DKA-së për Fol Drejt.
Ua kujtojmë se për rastin në fjalë ka raportuar edhe Fol Drejt gjatë paradites së sotme.
Video/ Nxënësit e shkollës “Faik Konica” dëgjojnë këngë të pista për 1 Qershor
