Kryetari i Kuvendit të Kosovës Glauk Konjufca, ka kujtuar figurën e Ukshin Hotit, duke e çmuar lart kontributin e tij.
Me rastin e 23 vjetorit të zhdukjes së veprimtarit të çështjes kombëtare Ukshin Hoti, pranë muzeut në Krushë të Madhe, Kryetari Konjufca, bëri homazhe dhe vendosi lule pranë bustit të tij.
“Ai na ka lënë një trashëgimi të jashtëzakonshme intelektuale, patriotike dhe atdhetare, të cilën gjithnjë do ta kujtojmë brezat e tashëm dhe të ardhshëm” – tha Konjufca, duke shtuar se vepra e tij do “të na e ndriçon rrugën edhe sot, edhe si zyrtarë politikë, por edhe atyre që studiojnë politikën.”
Ai theksoi se për zhdukjen e Ukshin Hotit 23 vite më parë shteti serb ende nuk ka dhënë përgjegjësi dhe askush nuk është dënuar, edhe pse dihen autoritetet e burgut të Dubravës në kohën kur ishte zhdukur ai./FolDrejt/
