Nga një takim i përfaqësuesve të gjashtë vendeve të Ballkanit Perëndimor me Presidenten e KE, Ursula von der Leyen, të hënën në Bruksel, kryesisht u bisedua për financime për rindërtimin pas tërmetit në Shqipëri. Por në fakt kishte edhe detaje të tjera.
Por ky takim ndodhi pikërisht pas strategjisë së re të zgjerimit të BE, sipas dëshirës së Francës. Pavarësisht se mund të çelen negociatat me Shqipërinë dhe Maqedoninë e Veriut, një zgjerim i BE-së pritet të ndodh pas shumë vitesh pasi kërkohet reforma të shumta, veçanërisht në ndërtimin e shtetit ligjor, shkruan STANDARD, përcjell foldrejt.com. Kjo pasi vendet si Mali i Zi, Serbia, por edhe të tjera nuk kanë vullnet politik, duke pasur një udhëheqësi autoritare, nacionaliste dhe iliberale.
Por një detaj që përmend media austriake është edhe kërkesa e nacionalistit Milorad Dodik, i cili në kuadër të presidencës trepale të Bosnjës dhe Hercegovinës, ka kërkuar të organizojë një referendum për pavarësi të Republika Srpska. Pikërisht, një kërkesë që solli luftërat e viteve 90-ta.
Si shkak i kërcënimit të ri të Dodikut është vendimi i Gjykatës Kushtetuese, ku të gjithë tokat bujqësore nga koha e Jugosllavisë tashmë i takojnë Bosnjës dhe Hercegovinës dhe jo Republika Srpskas- si do dëshironte Dodik, përcjell foldrejt.com. Menjëherë më pas Dodik theksoi se pa “një shtet të pavarur, nuk mund të ketë liri”.
Kundër Dodik kanë dalë forcat perëndimore si SHBA, Britania e Madhe dhe Gjermania, por në fakt, brenda BE ka shtete që i mbështesin nacionalistët ballkanikë – si shtetet e Grupit të Visegrad-it dhe Greqia.
Një ndarje e shtetit të Bosnjës është kundër Marrëveshjes së Daytonit./Foldrejt.com
