Presidenti i Republikës Sërpska, Milorad Dodik, ka reaguar për ngjarjet në veri të Kosovës, pas konflikteve mes serbëve vendas dhe pjesëtarëve të KFOR-it dhe Forcave të Policisë së Kosovës, raporton Klix, përcjell Fol Drejt.
“Reagimi i pjesëtarëve të KFOR-it ndaj popullit serb duarbosh që mbrojti të drejtën e tyre për të jetuar në Kosovë është krejtësisht i papërshtatshëm”, ka shkruar Dodik.
Dodik tha se sjellja e tyre tregon se prania e tyre nuk garanton sigurinë e popullit serb.
“Për situatën aktuale përgjegjës janë vetëm përfaqësuesit e bashkësive ndërkombëtare, të cilët nuk respektojnë të drejtën ndërkombëtare dhe marrëveshjet e nënshkruara krijojnë mosmbajtje të zgjidhjeve”, akuzoi Dodik.
Ai thotë se RS u jep mbështetje të plotë serbëve në kërkesat e tyre për t’u siguruar atyre një jetë normale dhe paqësore.
“Në ditët në vijim, Asambleja Kombëtare e Republikës Sërpska do të miratojë një deklaratë për mbështetjen e popullit serb në Kosovë dhe integritetit territorial të Serbisë”, përfundoi Dodik.
Kujtojmë se dje në komunën e Zveçanit ka pasur një konflikt mes serbëve dhe pjesëtarëve të KFOR-it dhe me atë rast janë lënduar më shumë se 20 pjesëtarë të forcave paqeruajtëse dhe 53 demonstrues. /FolDrejt/
