Jordan Henderson në një intervistë ka thënë se ka luftuar me idenë për të luajtur kundër Liverpool-it me një klub të ri – qoftë në Premier Ligë apo Evropë – por e pa lëvizjen e tij në Al-Ettifaq si “sfidën” e duhur ku ai mund të “shtojë vlera”, shkruan BBC Sport, transmeton Fol Drejt.
“Doja diçka që do të më emociononte”, tha 33-vjeçari për transferimin e tij në skuadrën e Arabisë Saudite Pro League, ku tani punon nën direktivat e ish-shokut të skuadrës së Liverpoolit, Steven Gerrard.
“Duhej të ishte diçka që unë ndjeja se mund të shtoja vlerë dhe të bëja dhe të provoja diçka të re, një sfidë të re dhe për arsye të ndryshme.”
“Kjo mundësi me Stevie [Gerrard] në një ligë krejtësisht tjetër dhe një kulturë krejtësisht të ndryshme ishte diçka krejtësisht e re, që ndoshta do të na emociononte për sa i përket projektit që na ishte vënë përpara. Për sa i përket ligës dhe përvojës sime, do angazhohem me krejt potencialin, ndërsa ndjejë se njerëzit më vlerësojnë.”
“Është bukur të ndihesh i kërkuar. E di që Stevie më kërkonte me të vërtetë. E di që klubi donte që unë të shkoja sepse kishin për synim ndërtimin e diçkaje serioze viteve të ardhshme – diçka që do të njihet si një nga ligat më të mira në botë.”/FolDrjet/
