Numri i pestë i revistës studentore “Fryma”, e cila botohet në fakultetin e filologjisë nga studentët, sapo ka dalur nga shtypi.
Lajmin për botimin e numrit të pestë të revistës e ka bërë kryeredaktorja, Leonora Hajra.
“Doli nga shtypi numri i pestë i revistës “Fryma”. Revistë që u kushtohet ekskluzivisht punimeve të studentëve (poezi, ese, recensione, përkthime, intervista). Falenderojmë të gjithë studentët për interesimin e madh që kanë treguar në pasurimin e këtij numri. Për inaugurimin e këtij numri të ri të revistës, inkurajimin dhe mbështetjen e vazhdueshme shfrytëzojmë rastin që si redaksi të ndajmë një falenderim të veçantë për profesorët Nysret Krasniqi dhe Ag Apolloni”, ka thënë Hajra përmes një postimi në Facebook.
Ky numër i revistës, i cili në përmbajtje ka intervista, recensione, ese, poezi e përkthime, i përkushtohet poetit të madh nga Kosova, Ali Podrimjes.
Në redaksinë e këtij numri janë: Leonora Hajra (kryeredaktore), Laura Ferizi Haradinaj, Ardit Mehmetaj, Edlira Musliu, Era Berisha (redaktorë), si dhe Rrezarta Morina (lektore)/FolDrejt/
