Në Hytben e Xhumasë, para disa kohësh, hoxha i njohur dr. Yasir Qadhi ka mbajtur një ligjëratë të titulluar “Historia e Jezu Krishtit në Kuran”.
Në këtë ligjëratë hoxha i nderuar dr. Yasir Qadhi tregon se si Allahu i kishte dhënë dhuratën e shërimit Jezusit (Isaut a.s.), i cili i shëronte të sëmurët dhe i ringjallte të vdekurit, me lejen e Zotit.
Ai tutje flet për lindjen e Jezusit (Isaut a.s.) dhe jetën që e bëri si profet i Zotit.
Një ndër pjesët më interesante të ligjëratës është kur hoxha dr. Yasir Qadhi tregon se të krishterët besojnë se Jezusi u kryqëzua, kurse Islami na mëson se ai u zëvendësua nga një person tjetër, pra personi që u kryqëzua nuk është Jezusi (Isau a.s.).
“Kjo është ajo që kanë thënë dijetarët tanë, është se Allahu Subhanahu Wa Ta’ala zëvendësoi një person tjetër për të qenë në kryq, i cili dukej si Jezusi”, thuhet aty ndër të tjera.
“Shumica thonë se ishte tradhtari Juda Iskarioti, ishte tradhtari që e tradhtoi Jezusin”.
“Ne besojmë se Jezusi nuk vdiq. Ne besojmë se Jezusi nuk u kryqëzua. Asnjë i krishterë në tokë nuk e beson këtë. Por, në Kur’an është një argument shumë i fortë në lidhje me këtë, sepse Allahu Subhanahu We Ta’ala e di më së miri. Në Kur’an thuhet gjithashtu se në Ditën e Gjykimit, Allahu do ta pyesë Jezusin, a i ke thënë ndejkësve të tu që të të adhurojnë? A u ke thënë ndjekësve të tu që të të bëjnë Zot”
Ndërsa, profeti Isa a.s. (Jezusi) i përgjigjet Zotit se unë kurrë nuk u thashë atyre ndonjë gjë që nuk më lejove t’u them.
“Unë kurrë nuk u thashë atyre ndonjë gjë që nuk më lejove t’u them, të gjitha ato që u thashë atyre, që të adhurojnë Zotin tim dhe Zotin tuaj, Allahun Subhanahu We Ta’ala.”
Në tekst tutje thuhet se Jezu Krishti (Isau a.s.) do të kthehet përsëri dhe ky kthim do të sinjalizojë ardhjen e ditës së kiametit.
Për më shumë, këtu mund ta shihni ligjëratën e plotë:
