Drejtori i Agjencisë Qendrore të Inteligjencës së SHBA (CIA) William Burns tha sot se rebelimi i armatosur i liderit të kompanisë private ushtarake “Wagner” Yevgeny Prigozhin tregoi “efektin gërryes” të luftës së Ukrainës të Presidentit Vladimir Putin ndaj vetë Rusisë.
“Është e habitshme që përpara se të fillonte aksionin, Prigozhin bëri një aktakuzë të ashpër për justifikimin e rremë të Kremlinit për pushtimin e Ukrainës dhe mënyrën se si udhëheqja ushtarake ruse po e zhvillon luftën”, tha ish-ambasadori amerikan në Moskë në një ligjëratë në Fondacioni britanik Ditchley në Oxfordshire në Angli, raportoi Reuters.
Ai vuri në dukje se ndikimi i atyre fjalëve dhe veprimeve do të rezultojë të jetë një kujtesë e gjallë për disa kohë e “efektit gërryes” të luftës së Putinit në shoqërinë e tij dhe regjimin e tij./FolDrejt/