Drita nuk do të luajë në dy xhirot e para në Superligën e Kosoës, pasi që duhet të bëhet gati për ndeshjen ndaj Legia Varshavës në kuadër të Ligës së Evropës.
Kampioni i Kosovës kishte bërë kërkesë që ndeshjet e para t’i shtyhen, gjë që është aprovuar nga Komisioni i Garave.
“Komisioni i Garave ka aprovuar kërkesën e FC Drita që ndeshjen e javës së parë kundër Llapit dhe ndeshjen e javës së dytë kundër Trepçës’89 t’i shtyjë për më vonë për shkak të pjesëmarrjes në garat e Ligës së Evropës”, thuhet në njoftim.
Klubi i Dritës ka filluar t’i merr menjëherë masat e duhura për këtë ndeshje të rëndësishme ndaj Legias.
Në këtë rund, “bardhekaltërit” do kenë mision të vështirë, pasi që do të ballafaqohet me 14 herë kampionin e Polonisë, Legia Varshava.
Drita do të udhëtojmë përsëri për qytetin bregdetar të Durrësit. Do të vendosemi në hotelin ‘Tropikal’ për t’u përgatitur për ndeshjen në Poloni.
‘Intelektualët’ të gjitha përgatitjet administrative dhe testet për Covid-19 do t’i kryejnë në shtetin shqiptar.
Legia– Drita do të zhvillohet me datën 24 shtator dhe në rast të fitores atëherë në rundin e tjetër do të luaj ndaj skuadrës azere, Qarabag.
