Josep Borrell ka thënë se duhet të përqendrohemi te depërshkallëzimi i situatës në Kosovë, shkruan Fol Drejt.
Përfaqësuesi i Lartë i Bashkimit Evropian për politikë të jashtme dhe siguri, këto qëndrime i shfaqi në një takim me kryeministrin kroat, Andrej Plenkoviq këtë të shtunë në Kroaci, në kuadër të Forumit të Dubrovnikut.
“Faleminderit, kryeministër Andrej Plenkoviq për një shkëmbim të rëndësishëm mbi situatën rajonale, veçanërisht për Bosnjë e Hercegovinë. Gjithashtu edhe në veri të Kosovës, në momentet kur duhet të jemi të bashkuar, të fokusuar në de-përshkallëzimin dhe zgjidhjet e realizueshme.
Historia e suksesit të Kroacisë është një demonstrim i qartë i fuqisë transformuese të BE-së”, ka shkruar Borrell në Twitter.
Në këtë forum Kosova këtë vit po përfaqësohet nga Ministrja e Punëve të Jashtme, Donika Gërvalla si dhe emisari i BE-së për dialogun Kosovë-Serbi, Miroslav Lajçak, si dhe emisari i SHBA-së për Ballkanin Perëndimor, Gabriel Escobar./FolDrejt/
Thank you, PM @AndrejPlenkovic for an important exchange on the regional situation, esp on BiH. Also on north of Kosovo, at times when we need to be united, focussed on de-escalation & workable solutions
Croatia’s success story is a clear demonstration of EU transformative power pic.twitter.com/eS3nkOwQD9
— Josep Borrell Fontelles (@JosepBorrellF) July 8, 2023
