Duma e Shtetit miratoi njëzëri Ligjin për pezullimin e pjesëmarrjes së Rusisë në marrëveshjen e re START me SHBA-në për kufizimin e armëve bërthamore të propozuar nga presidenti rus Vladimir Putin.
Ligji hyn në fuqi në ditën e publikimit dhe vazhdimi i pjesëmarrjes së Rusisë në marrëveshje do të vendoset nga Presidenti i Rusisë, përcjell Fol Drejt.
Putin tha dje se Rusia po pezullonte pjesëmarrjen e saj në traktatin e ri START, të nënshkruar në vitin 2010, dhe kërcënoi se do të kryente teste të reja bërthamore nëse SHBA-ja do ta bënte këtë fillimisht.
Duke shpjeguar vendimin e tij, Putin akuzoi SHBA-në dhe aleatët e saj në NATO se e paraqesin hapur humbjen e Rusisë në Ukrainë si një qëllim.
“Ata duan të na shkaktojnë një ‘humbje strategjike’ dhe të përpiqen të marrin instalimet tona bërthamore në të njëjtën kohë,” tha ai.
Kreu i Komitetit të Dumës Shtetërore për Çështjet Ndërkombëtare, Leonid Slutsky, tha se vendimi për të pezulluar pjesëmarrjen në START ishte “i menduar mirë, adekuat dhe i vetmi i mundshëm”, kur Rusia përballet sërish me shkeljen e SHBA-së të traktat./FolDrejt/
