Një shtëpi është kapluar nga zjarri në fshatin Ujz të Gjakovës, policia për këtë rast është informuar rreth një orë më parë dhe menjëherë kanë dalë të gjitha njësitet e nevojshme në vendin e ngjarjes.
Policia ka konfirmuar për lajmi.net se zjarri është në zhvillim e sipër, teksa në një nga dhomat e shtëpisë dy katëshe dyshohet se kanë qenë dy fëmijë 10-13 vjeç, djem të axhës mes vete, raporton lajmi.net, përcjell FolDrejt.com.
Lumni Graishta, drejtor në Policinë Rajonale të Gjakovës, tha se për të miturit po presin konstatimin e mjekut.
“Presim konstatimin e mjekut, zjarri është në zhvillim e sipër. Fëmijët janë të gjinisë mashkullore, 10-13 vjeç”, tha Graishta.
Në vend ngjarje është policia, zjarrfikësit dhe mjekësia ligjore.