Autoritetet japoneze po përpiqen të gjurmojnë një delfin të dyshuar për të paktën 6 sulme ndaj njerëzve gjatë verës. Dy notarë u raportuan se ishin kafshuar në krah nga një delfin të enjten.
Incidenti besohet se është i fundit nga një seri sulmesh në një plazh japonez.
Sipas mediave lokale, notarët u dërguan në spital pasi u sulmuan nga një gjitar deti.
Zyrtarët japonezë besojnë se është i njëjti delfin që ka sulmuar vazhdimisht njerëzit këtë verë.
Zakonisht delfinët mendohet se janë jo agresivë ndaj njerëzve, por në fakt armiqësia e tyre ndaj notarëve nuk është aq e rrallë.
Mediat lokale raportuan se ai kafshoi një burrë disa ditë më parë. po në të njëjtën datë sulmoi një burrë tjetër duke e plagosur në dorën e majtë.
Të dy incidentet ndodhën në plazhin Koshino, një destinacion popullor për notarët pranë qytetit perëndimor japonez të Fukui.
Zyrtarët kanë instaluar tani transmetues ultratinguj përgjatë plazhit me shpresën se tingujt e tij me frekuencë të lartë do të pengojnë delfinët.
Notarët janë paralajmëruar dhe këshilluar që të përpiqen t’i shmangin ata në ujë.
Për momentin, nuk është e qartë se çfarë lloj delfini po sulmon.
Sulmet e delfinëve janë të rralla, por jo të pamundura.
Shkencëtarët besojnë se noti pranë njerëzve është “shumë stresues” për delfinët, pasi prish rutinën e tyre të sjelljes, ka zbuluar hulumtimi.
Në Irlandë, dy gra u plagosën në vitin 2013, dhe njërës iu thye brinja nga një delfin.
Një vit më vonë, pesë notarë u shpëtuan nga një varkë shpëtimi pasi u rrethuan nga një delfin agresiv./abcnews.al/
