Sot në orët e pasdites është raportuar për një shkëmbim zjarri në fshatin Bardhosh të Prishtinës, transmeton Fol Drejt.
Sipas informacioneve të para, dy persona kanë mbetur të plagosur.
“Rreth orës15:30 është pranuar informata për një rast të plagosjes me armë zjarri të ndodhur në fshatin Bardhosh të komunës së Prishtinës.
Policia ka dalë në vendin e ngjarjes dhe mbështetur në të dhënat e para, janë ngritur dyshimet se dy persona janë plagosur me armë zjarri nga persona aktualisht të panjohur.
Ndërkohë që viktimat janë dërguar në QKUK për të marrë trajtimin e nevojshëm mjekësor, hetuesit policor kanë nisur një hetim me qëllim të sqarimit të të gjitha rrethanave që karakterizojnë rastin si dhe identifikimin e të dyshuarve të mundshëm”, ka konfirmuar policia për Express.
Për motivin e këtij shkëmbimi zjarri, ende nuk dihet asgjë./FolDrejt/
